Samstarfsaðilar

9.55°C

ESE

11.32 m/s

Samstarfsaðilar

Vinnslustöðin leggur mikla áherslu á gæði afurða sinna sem eru seldar á mörkuðum víða erlendis. Þess vegna er mikilvægt að við lærum af öðrum þjóðum og skiljum þarfir þeirra. Við leggjum mikla áherslu á gagnkvæma uppbyggingu þekkingar, á Íslandi sem og á erlendum mörkuðum okkar.

Þjónusta, stuðningur og langtímaviðskiptasambönd skipta okkur miklu máli þegar kemur að þjónustu við viðskiptavini okkar og neytendur um allan heim.

Við höfum því lagt áherslu á að mynda sterk tengsl við fyrirtæki um víða veröld í þeim tilgangi að skilja þarfir hvers markaðar á sama tíma og við tryggjum sjálfbærni, rekjanleika og gæði.

Við erum stolt af því að eiga góða samstarfsaðila, allt frá saltfiskframleiðanda í Portúgal til loðnuframleiðanda í Japan. Við erum stolt af því að bjóða neytendum um allan heim að njóta gæða og ferskleika íslenskra sjávarafurða.

GRUPEIXE

Grupeixe er leiðandi í framleiðslu á íslenskum þorski í Portúgal og sá eini í sínu landi sem getur tryggt rekjanleika frá veiðum til endanlegs neytanda.

Skoða nánar

MARHÓLMAR

Marhólmar eru meðal leiðandi framleiðenda Masago á heimsvísu. Fyrirtækið tryggir að viðskiptavinir þess fái eingöngu úrvalsvöru.

Skoða nánar

OKADA SUISAN

Okada Suisan er stærsti áframframleiðandi loðnuafurða í Japan, á markaði sem einungis sættir sig við bestu gæði.

Skoða nánar

WILD NORDIC FISH

Einstakt samstarf Vinnslustöðvarinnar og matreiðslumanna í Eyjum er nýstárleg leið fyrir veitingastaði um allan heim til að matreiða hágæða fiskmeti úr Wild Nordic Fish afurðum á hverjum degi.

Skoða nánar