Afurðir

9.55°C

ESE

11.32 m/s

Afurðir

Við hjá Vinnslustöðinni veiðum eingöngu fisk úr hreinum íslenskum sjó.

Við leggjum mikla áherslu á gæði afurða okkar, bæði við veiðar og vinnslu. Meðferð aflans um borð í skipinu leggur grunn að gæðum hans við vinnslu. Í landi leggjum við áherslu á að fullnýta allan afla.

Sjómenn okkar sækja sjóinn allan ársins hring og þekkja að gæði fisksins breytast frá einum árstíma til annars. Fiskur í fæðuleit hefur annað holdafar en fiskur sem er að koma til hrygningar. Mikið af hrygningarslóðum fisktegunda við Ísland er skammt undan Vestmannaeyjum og þar af leiðandi er kolefnisspor afurða okkar í lágmarki.

Fiskveiðum Íslendinga er stjórnað með aflamarkskerfi sem þýðir að fiskveiðar okkar eru að mestu sjálfbærar.

Botnfiskur

Langstærstur hluti botnfisks Vinnslustöðvarinnar er veiddur rétt fyrir utan Vestmannaeyjar enda eru eyjarnar staðsettar í hafinu stutt frá hrygningarstöðvunum. Nálægðin er að sjálfsögðu kostur því ferskleikinn skiptir miklu. Mikilvægustu botnfisktegundirnar fyrir félagið eru þorskur, karfi, ufsi og ýsa.

Botnfiskur

Uppsjávarfiskur

Uppsjávarvertíðir eru mikilvægar í rekstri Vinnslustöðvarinnar. Vertíðirnar tengjast göngu uppsjávarfiska upp að ströndum Íslands og í sumum tilfellum að eða fram hjá Vestmannaeyjum. Helstu tegundir uppsjávarfiska eru loðna, makríll og síld.

Uppsjávarfiskur

Fiskimjöl

Vinnslustöðin framleiðir tvær gerðir af fiskimjöl:

NSM-mjöl (NorSeaMink) - hágæða fiskimjöl
Staðlað fiskimjöl

Vinnslustöðin framleiðir einnig lýsi. Hráefni til fiskimjöls- og lýsisframleiðslu er aðallega sá hluti af síld, loðnu, makríl og kolmunna sem ekki er nýttur til manneldis. Fiskimjöl er unnið úr aukaafurðum Vinnslustöðvarinnar sem falla til við aðra vinnslu.

Fiskimjöl er prótínríkt og er mikið notað ásamt lýsi við framleiðslu á fóðri fyrir fiskeldi. Kaupendur eru aðallega fiskfóðurframleiðendur í Noregi og eldisstöðvar í ýmsum Evrópulöndum, þar á meðal á Íslandi, sem einnig nýta fiskimjöl og lýsi frá Vinnslustöðinni. Lýsi er einnig notað í leðuriðnaði.